īpan īn āmantl nipēwas nimēchīxmachīltīs kēnōn kwahli tomaxtīskeh totlatōl, sē momōstla panowa niman nochipa tokamawīwisohtokeh kēnōn tikēhchīwaskeh totlatōl, sekimeh san kwālitowah, kāyuweh, tōmeh i tiweltokeh titlahtlatowah, xmoneki sē kixchānoh ma wāhlatiw nikān niman ma tēchkahkayāwaki kēnōn tomaxtīskeh, noso kēnōn titlakwilōskeh, xkā tēh ikwāk pēwah tēchnohnōtsah i yō kitowah lāmpa weltokeh kēnōn titlatlahtowah, sā xok kimatih kēnōn kinānkilīskeh yōn xchāneh, niman xyō ītlatōl, niman nochimeh nokamapalēwiah yā kitowah, yō xnikān tēchāhnawatitiās kēnōn titlakwilōskeh niman kēnōn tonohnōtsaskeh, kwākōn xkwelitah niman xkiseliah sē yō yā milāk īpan nokāwa īn tlatōhli yā nomaxtia āman, kipihpīnāwtiah, yōn hkiīn kitsakwiliah tlatōhli niman xkasikāmatisnekih kēnōn kwaltsīn tasikāmatiskeh nēsi yā milāk yōkasikeh īntlamachilis kēn koyōmeh, kētla yōnokoyōkwepkeh, xkā tēh tlā ok tāman kasikāmatisiah kēnōn yā milāk iktok totlamachilis nēsi nō sehneka yeskia, āman, kas i kwahli tēh, keāman san xkonitakān, nikān nēsi nīn xwikāwi yā i nimēchononōstok ōn, māsi hkōn xtlah nihkwi niman nīn xtlah nihtlatlanilia kastillatlatōhli, nihnemilia, hkiōn kēn nimēchnohnōstok kwahli ninkasikāmastiwih, sayā tlāsaman sekimeh kitōskeh, ah, yoún nō sē tlamantli weli yōyā hkōn tēchnohnōstok, māsi ihkoōn nawa nihmastok yā kēmah māsi san tlakotipantsīn ninēchkahtokeh, kwākōn nimechtlahtōltīsneki, tliāōn kipia yā tihkwiskeh koyōtlatōhli, kwā totlatōl nōyeh yōmokwep, simi xtahsikāmatih nīn āchitsīn kēnōn tonohnōtsah, noso, tliā ītech towīkaskeh ōn kastillatlatōhli kēnōn iktok ītlamanyo ikwāk tlakwilōlo, kā tōmeh xwel sapa sehnekatsīn tihnemilīskeh kēnōn kwahli tiyektlālīskeh īn totlatōl noso, ninkitōskeh yā nihkwi īn nēskāyōtl āman yō wālēwa kāmpa istākeh tlākameh, niman tēh yō īn nēskāyōtl i ōnkatka īpan 1645 īpan ītlakwilōl Jesuita Horacio Carochi.
jueves, agosto 28, 2008
amoxtli sē
lunes, junio 02, 2008
X'kita Xōchinemilistli Noyōltsīn
tlīn xtihkaki, tlīn xtihnemilia
xkāwa tlāltekpak, xkāwili ma wia
san xmasto tehwatsīn, san xmasto moyōltitlantsīn
māske kamantika, nōhki xahkotlachiatsīn
niman māka mitsmoktīs, niman māka mitsīpantīs
niman nochipa xkē'wa, tlīn milāk cho kwaltsīn
tlā kamantika ōyehkok, tlīn mitsyōlkokowa
san nihneki xmasto, ka ompa nimistlahtlastos
niman nimismāpalēwīs, niman xok tisiawis
yā xōchimāpīxtli, ok sepa timitsihyōyōlīltīs
yā timitsihlis ika noyōhlo, tliaka miak nikihtōs
mās kwahle, san timitspīpitsōs
lo que no escuchas, lo que no piensas
dejalo en el mundo, dejalo que se vaya
tan solo sabelo tu, y guardalo en tu corazón
aunque aveces, alza la cabeza y mira
para que no te espante, para que no estés desprevenida
y siempre guarda, lo que en verdad es bonito
por si algún día llega, lo que te aflija en el corazón
solo quiero que sepas, que allí te estaré mirando
y te ayudaré , y apaciguaré tu cansancio
y con un ramo de flores, te devolveré el aliento
para decirte lo que siento, y para que digo tanto
mejor te daré, simplemente un beso
NMSNKI
miércoles, mayo 21, 2008
nitlakwilowa
san nimēchititīsneki kēnōn ōnkah yōn kāmpa nitlakwilowa, miak mēstli yōpanōk niman xok itlah niktlakōltiāya, āman māsi san yawa īn, san nikwelita, yawa ika ōn nimēchititīsneki
nikān nochi yōn nihkwi kwāk nitekititok
Solo les quiero compartir mi ambiente de trabajo con ubuntulubu XD, esta chido, ojalá cada día mas gente utilice Linux, siempre que hay oportunidad lo recomiendo, saludos a todos (no es la interpretación exacta, pero esa es la idea XD )